Friday, November 4, 2016

NSK - என் எஸ் கிருஷ்ணசாமி ஐயா

என்னுடைய இயல்பு வாழ்க்கையில், எப்பொழுதெல்லாம் ஆங்கில இலக்கணம் பற்றிய பேச்சோ, தேவையோ ஏற்படும் போது அவர்தான் நினைவுக்கு வருவார்...
ஒன்பதாம் வகுப்பு, மதுரை தூய மரியன்னை மேல்நிலைப்பள்ளியில் படித்தேன்... எங்கள் வகுப்பாசிரியரும், ஆங்கில ஆசிரியரும் ஆன மரியாதைக்குரிய திரு. என். எஸ். கிருஷ்ணசுவாமி ஐயா அவர்கள் அன்று கற்றுக் கொடுத்த ஆங்கிலம்தான் இன்றுவரை ஆங்கிலத்தின் மீது அதிக பயம் இல்லாமலும், அந்த மொழியைக் கற்றுக்கொள்ள வேண்டும் என்று ஈர்ப்பு ஏற்பட்டு போனதற்கும் காரணம்...
பள்ளி நேரம் போக சிறப்பு வகுப்புகள் எடுத்து, ஆங்கிலத்தையும் அதன் இலக்கணத்தையும் எளிதாகவும், புரியும்படியும் எங்களுக்குச் சொல்லிக் கொடுத்தார்...
NSK sir.. (சுருக்கமாக இவ்வாறு அழைக்கப்படுவார்)
ஒரு இண்ட் சுசுகி பைக்கில் வருவீர்கள்... மற்ற ஆசிரியர்கள் ஸ்கூட்டரில் வரும் போது, நீங்கள் பைக்கில் வருவதைப் பார்க்கவே வித்தியாசமாக இருக்கும்... கம்பீரமாகவும்...
NSK sir... நீங்கள் சொல்லிக் கொடுத்த ஆங்கிலம்தான், என் வாழ்வில் நான் கற்றுக்கொண்ட, பேசுகின்ற, எழுதுகின்ற எல்லா ஆங்கிலத்திற்கும் எல்லாம் அடிப்படை...
மிக்க நன்றி NSK sir...